இன்ஷா அல்லாஹ் வரும் 10-06-2012 அன்று மதியம் 2-00 மணிக்கு பிரான்ஸ் தவ்ஹீத் ஜமாஅத் சார்பில் நேரடி மார்க்க சொற்ப்பொழிவு நிகழ்ச்சி நடைபெறும். மார்க்கத்திற்கு முரணான விழாக்களும்
வரம்பு மீறிய செலவுகளும் என்ற தலைப்பில் TNTJ மாநில துணைப் பொதுச் செயலாளர் சைய்யது இப்ராஹீம் அவர்கள் உரை நிகழ்த்த உள்ளார்கள்.
கேள்வி : Assalamalaikum . veetil thaniyaga jumma thozhugum pengal farl 4 rakat thola venduma illa 2 rakath thola venduma. ugent pls
தமிழாக்கம் : அஸ்ஸலாமு அலைக்கும்.வீட்டில் தனியாக ஜும்மா தொழுகும் பெண்கள் பர்ள் 4 ரக்அத் தொழ வேண்டுமா அல்லது 4 ரக்அத் தொழ வேண்டுமா?
- Zakia,India
பதில் : ஜும்மா தொழுகை என்பது ஆண்கள் கட்டாயம் தொழ வேண்டிய ஒரு தொழுகையாகும். நம்பிக்கை கொண்டோரே! வெள்ளிக் கிழமையில் தொழுகைக்காக அழைக்கப் பட்டால் அல்லாஹ்வை நினைப்பதற்கு விரையுங்கள்! வியாபாரத்தை விட்டு விடுங்கள்! நீங்கள் அறிந்தால் இதுவே உங்களுக்கு நல்லது.(அல் குர்ஆன் 62:9)
பெண்களுக்கு ஜும்மா தொழுகை கட்டாயம் இல்லை.
'அடிமை, பெண்கள், பருவ வயதை அடையாதவர்கள், நோயாளி ஆகிய நால்வரைத் தவிர அனைத்து முஸ்லிம்கள் மீதும் ஜுமுஆத் தொழுகை கடமையாகும்' என்று நபி (ஸல்) அவர்கள் கூறினார்கள்.அறிவிப்பவர்: தாரிக் பின் ஷிஹாப் (ரலி), நூல்: அபூதாவூத் 901
இதே நேரம் யாராவது விரும்பினால் ஆண்களைப் போல் பள்ளிக்கு சென்று தொழுகையில் கலந்து கொள்ளவும் முடியும். என்று இஸ்லாம் அனுமதிக்கிறது.
வீட்டில் தொழும் பெண்களாக இருந்தால் இரண்டு ரக்அத்கள் தொழுவதற்கு மார்க்கத்தில் எந்த வழிகாட்டலும் இல்லை.
வீட்டில் தொழுபவர்கள் 4 ரக்அத்கள் லுஹர் தொழுகைதான் தொழவேண்டும்.
யார் ஜும்மாவிற்கு செல்லவில்லையோ அவர்களுக்கு லுஹர்தான் கடமை என்பதால் லுஹர் தொழுகை 4 ரக்அத்கள் தொழ வேண்டும்.
அல்லாஹ்வே நன்கறிந்தவன்.
பதில் : ரஸ்மின் MISc
