இறுதி நபி

எனக்கும் எனக்கு முன் சென்ற நபிமார்களுக்கு உதாரணம் அழகாக அழங்கரித்து ஒரு வீட்டைக்கட்டி விட்டு
 ஒரு மூலையில் செங்கல் அளவிற்க்கு இடத்தை விட்ட ஒரு
 மனிதனைப்போன்று. மக்கள் அந்த வீட்டை சுற்றிப்பார்த்து ஆச்சிரியம் அடைந்து அந்த செங்கல் பதிக்கப்பட்டு இருக்கக்கூடாதா ? என்று கேட்கலானார்கள் நான் தான் அந்த செங்கல்  நான் தான் நபிமார்களின் முத்திரையானவன்.

அறிவிப்பவர் : அபூஹுரைரா  (ரலி)    நூல்: புகாரி(3535)

                
தனக்கு பின்னால் வஹியோ தூ‎தரோ  வரவேண்டியதில்லை என்பதை முன்அறிவிப்பு செய்யும் விதமாக வீட்டை தூதுத்துவத்துக்கும் குறையை முழுமைப்படுத்துகின்ற செங்கல்லை  தனக்கு உதாரணமாக கூறியுள்ளார்கள். இன்னும் நபிமார்களின் முத்திரை என்றும் சாதாரணமான மக்களுக்கு விளங்கும் விதமாக கூறியுள்ளார்கள். ஒரு பொருளை முத்திரை  (சீல்)  வைத்து அடைத்து விட்டால் அது திறக்கப்படாமல் தான், நாம் பயன்படுத்தமுடியும். அதுபோலத்தான்  தூதுத்துவம் என்பதும்,   தான் வந்ததால் முத்திரையிடப்பட்டுவிட்டது எனவே தூதுத்துவம் அடைக்கப்பட்ட பொருளைப்போன்று ஆகிவிட்டது என்பதை கு:றிக்கும் விதமாக நபியவர்கள் மிக நுட்பமான உதாரணத்தை கூறியுள்ளார்கள். இந்த உதாரணத்தின் மூலம் வருங்காலத்தில் எந்த நபியும் வர வாய்ப்பு இல்லை என்பதை முஸ்லிம்கள் உறுதியாக நம்பவேண்டும் என்பதை குறிப்பிட்டுள்ளார்கள். பிற்காலத்தில் தானும் ஒரு நபிதான் என்று வருபவர்களை நம்பக்கூடாது என்பதற்கும் இந்த உதாரணத்தின் மூலம் அறிவுரை நபிகளார் அவர்கள் கூறியுள்ளார்கள்.

இன்னும் நபியவர்கள் இந்த கருத்தை வலுப்படுத்தும் விதமாக கூறியுள்ள செய்திகள் ஏராளம் உள்ளன.

எனக்கு பின் எந்த நபியும் ரஸூலும் இல்லை

தூதுத்துவமும் நபித்துவமும் முற்றுபெற்று விட்டது எனக்குப்பின்னால் எந்த நபியும் ரஸூலும் இல்லை.
அறிவிப்பவர் : அனஸ் பின் மாலிக் நூல்         : திர்மிதி(2198)

                      

 நபியவர்களுக்குரிய தனிப்பெயர்

எனக்கு பல பெயர்கள் உண்டு; நான் முஹம்மது (புகழப்பட்டவர்) ஆவேன். இன்னும் நான் அஹ்மத் (இறைவனை அதிகம் புகழ்பவர்) ஆவேன். நான் மாஹீ (அழிப்பவர்) ஆவேன், அல்லாஹ் என் மூலம் இறை மறுப்பை அழிப்பான். நான் ஹாஷிர் (ஒருங்கிணைப்பவர்) ஆவேன்; நான் ஆகிப் (இறைத்தூதர்களில் இறுதியானவர்) ஆவேன் என்று நபிகளார் கூறினார்கள்.

 அறிவிப்பவர்  : ஜுபைர்  பின் முத்யிம் (ரலி) நூல்கள்          : புகாரீ (4896), முஸ்லிம் (4342)

              

அல்ஆகிப் (இறுதியானவன்) என்ற தன் பெயரை விளக்கும் போது எனக்கு பின்னால் எந்த நபியும் இல்லை என்று தெளிவுபடுத்தியுள்ள செய்தி கூடுதலாக முஸ்லிமில் இடம் பெற்றுள்ளது.

நபி(ஸல்) அவர்களுக்குரிய தனிச்சிறப்பு

நபியவர் கூறினார்கள் பிற நபிமார்களைவிட ஆறு விஷயங்களில் சிறப்பிக்கப்பட்டுள்ளேன்.

1 நான் ஒருங்கிணைந்த (பொருள்களை குறிக்கும்) சொற்கள்  வழங்கப் பட்டுள்ளேன்.

2 (எதிகளின் உள்ளத்தில் என்னைப்பற்றிய) பயம் ஊட்டப்பட்டு எனக்கு வெற்றிஅளிக்கப்பட்டது

3 போர்பொருட்கள் எனக்கு அனுமதிக்கப்பட்டுள்ளது

4 எனக்கு பூமிமுழுவதும் தூய்மையானதாகவும் பள்ளிவாயில் களாகவும் ஆக்கப்பட்டுள்ளது

5 நான் மனிதஇனம் முழுவதும் தூதராக அனுப்பப்ட்டுள்ளோன்

6 என்னுடன் நபிமார்கள் முற்று பெற்று விட்டார்கள்

 அறிவிப்பவர்:அபூஹுரைரா (ரலி) நூல்   இப்னுமாஜா (43)

 

அல்லாஹ் எல்லா நபிமார்களுக்கும் அற்புதங்களையும் தனிச்சிறப்புகளையும் வழங்கியிருக்கிறான் அந்த வகையில் நபியவர்கள் தனக்குரிய தனிச்சிறப்புகளைப்பற்றிகூறும் போது பிறநபிமார்களுக்கு இல்லாத தனிச்சிறப்பாக தன்னோடு நபிமார்களின் வருகை முடிந்து விட்டது என்பதை குறிப்பிட்டு கூறுகிறார்கள் ஏனென்றால் நபியவர்கள் வரை ஒரு நபிக்குப்பின் மற்றொரு நபி என்று தான் இருந்தது. அவர்கள் வருகைக்கு பிறகு அது தடைசெய்யப்பட்டுவிட்டுது.

கலீஃபாக்கள் வருவார்கள்

நபிமார்கள் பனூ இஸ்ரவேலர்களை நிர்வகிப்பவர்களாக இருந்தனர்.ஒரு நபி மரணிக்கும்  போது அவருக்கு பின்னால் மற்றோரு நபி வருவார் எனக்கு பின்னால் எந்த நபியும் இல்லை கலீஃபாக்கள் அதிகமாக வருவார்கள்

அறிவிப்பவர்: அபூஹுரைரா  (ரலி)   நூல் : புகாரி (3455)

நபியவர்கள் பனூ இஸ்ரவேலர்களின் சமூதாயத்தை நபிமார்கள் வந்த நிலையைப் பற்றி தன்னுடைய சமூதாயத்தோடு  ஒப்பிட்டு கூறும் போது அந்த சமூதாயத்தில் ஒரு நபிக்குப் பின் மற்றொரு நபி தொடர்ந்து வருவார்.ஆனால் தன் சமு‏தாயத்தில் இறைத்தூதர்கள் வரமாட்டார்கள் கலீஃபாக்கள் மட்டும் தான் வருவார்கள் என்பதை தெளிவாக கூறியுள்ளார்கள்  .

மேலும் திருக்குர்ஆனும் நபி (ஸல்) அவர்கள் இவ்வுல அனைத்து மக்களுக்கும் இறைத்தூதராக அனுப்பப்பட்டுள்ளார்கள் என்று மிகத் தெளிவாக கூறுகிறது.

உம்மை மனித குலத்துக்குத் தூதராக அனுப்பியுள்ளோம். (அல்குர்ஆன் 4:79)

158. ""மனிதர்களே! நான் உங்கள் அனைவருக்கும் அல்லாஹ்வின் தூதர். (அல்குர்ஆன் 7:158)

இந்தக் குர்ஆன் மூலம் உங்களையும், இதை அடைவோரையும் நான் எச்சரிக்கை செய்வதற்காக இது எனக்கு அறிவிக்கப்பட்டுள்ளது'' (அல்குர்ஆன் 6:19)

இந்த திருக்குர்ஆனின் போதனைககள் யாருக்கெல்லாம் கிடைக்கிறதோ அவர்கள் அனைவருக்கும் நபிகளாரே இறைத்தூதர் என்று இவ்வசனம் கூறுகிறது.

இன்னும் இதுபோன்ற பல வசனங்கள், நபி (ஸல்) அவர்கள் தான் இவ்வுலக அனைவருக்கும் இறைத்தூதர் என்று தெளிவுபடுத்துகிறது.

பொய்யர்களின் வருகை

நபி(ஸல்) அவர்களின் புகழழுக்கு ஆசைப்பட்டும் மக்களிடத்தில் ஆன்மீகத்தின் பெயரால் பணம் பறிக்கவேண்டும் என்ற நோக்கத் தோடும் தனக்காக ஒரு கூட்டத்தை ஏற்படுத்த வேண்டும் என்று நபி(ஸல்) அவர்களுக்கு பின் முஸைலமா  போன்ற பொய் நபிகளும் இன்றைய காலத்தில் மிர்சாத் குலாம்,ரஷாத் கலீபா போன்ற போலித் தூதர்களும் தங்களை நபியன்று வாதிட்டனர் இவர்களைப்பற்றி நபி  (ஸல்) அவர்கள் கூறினார்கள்: என் சமுதாயத்தில் உள்ள சில பிரிவினர் இணைவைப்பாளர்களோடு சேர்ந்து கொண்டு சிலைகளை வணங்கும் வரையும் என்னுடைய சமுதாயத்தில் முப்பது பொய்யர்கள் வந்து அவர்கள் அனைவரும் தன்னை நபியன்று வாதிடுகின்றவரையும் மறுமைநாள் ஏற்படாது  அறிவிப்பாளர் : ஸவ்பான் (ரலி)  நூல்: புகாரி(3535)

                       

நபியவர்கள் கூறினார்கள் நான் உங்களை வெள்ளை வெளேர் என்ற நிலையில் விட்டுச்செல்கிறேன் இதன் இரவும் பகலைப்போன்றது அழிந்து நாசமாகக்கூடியவனைத்தவிர வேறுயாரும் வழிதவறமாட்டார்கள்

அறிவிப்பவர்  : இர்பால் பின் ஸாரயா ரலி) நூல்  : இப்னுமாஜா (43)

திருக்குர்ஆனும் நபி (ஸல்) அவர்களும் நேரடியாகவும் உதாரணம் மூலமும் நபி(ஸல்) அவர்களே இறுதித் தூதுவர், அவர்களுக்கு பிறகு எந்த நபியும் வரமுடியாது என்று தெளிவுபடுத்தியுள்ளார்கள். எனவே தெளிவான வழிகாட்டுதலை பின்பற்றி நடப்போம்.

                                                                                                                  அர்ஷத் அலீ, பனைக்குளம்

Read More

நபிமார்கள் வரலாறு 8 (ஆதம் நபி வரலாறு 4)

முதல் மனிதர் ஆதாமா? ஏவாளா? என்பதைப் பற்றிய செய்திகளை இது வரை நாம் பார்த்தோம். இந்தத் தொடரில் ஆதம் நபியவர்களின் உருவாக்கத்தைப் பற்றிப் பார்ப்போம்.

ஆதம் நபியின் உருவாக்கமும், மலக்குகளின் ஆட்சேபனையும்.

இந்த உலகத்தைப் படைத்த இறைவன், அதில் வாழ்வதற்கு ஏற்ற சமுதாயமாக மனிதனைப் படைக்க எண்ணி தனது எண்ணத்தை மலக்குகளிடத்தில் சொல்லிக் காட்டினான். அந் நேரத்தில் அந்த மலக்குகள் இறைவனின் எண்ணத்தை ஆட்சேபித்து கருத்துத் தெரிவித்தார்கள்.இதனை திருமறைக் குர்ஆன் இவ்வாறு சொல்லிக் காட்டுகிறது.

பூமியில் நான் ஒரு தலைமுறையைப் படைக்கப் போகிறேன். என்று உமது இறைவன் வானவர்களிடம் கூறிய போது, அங்கே குழப்பம் விளைவித்து, இரத்தம் சிந்துவோரையா அதில் படைக்கப் போகிறாய்? நாங்கள் உன்னை புகழ்ந்து போற்றுகிறோமே, குறைகள் அற்றவன் என்று உன்னை ஏற்றுக் கொண்டிருக்கிறோமே என்று கேட்டனர். நீங்கள் அறியாதவற்றை நான் அறிவேன் என்று இறைவன் கூறினான். (அல் குர்ஆன் 2:30)

Read More

நபிமார்கள் வரலாறு 7 (ஆதம் நபி வரலாறு 3)

நாத்தீகத்தின் முரண்பாடும் ஆத்தீகத்தின் நீரூபனமும்

உலகின் முதல் மனிதர் யார் என்பதை சொல்வதற்கு முன் மனிதன் படைக்கப் பட்டானா பரிணாமம் பெற்றானா என்ற கேள்விக்குறிய பதிலை பார்த்தோம்.

இப்போது முதல் மனிதன் ஆதாமா? ஏவாளா என்ற சர்ச்சைக்கு தீர்வு காண முயல்வோம்.

நாத்தீகத்திற்கு வக்காலத்து வாங்கும் சில எழுத்தாளர்களும் பேச்சாளர்களும் ஆத்தீகத்தை எதிர்பார்ப்பதற்கான மிக முக்கிய வாதங்களில் ஒன்றாக முதல் மனிதர் ஆதாம் அல்ல முதல் மனிதர் ஏவால்தான் என்று சொல்கிறார்கள் அப்படி சொல்வதற்குறிய காரணத்தையும் வாதத்தினையும் ஒன்றன் பின் ஒன்றாக ஆராய்வோம்.

நாத்தீகத்தின் வாதம் :

சுமார் மூன்று லட்சம் ஆண்டுகளுக்கு முன்பு வாழ்ந்த ஒரு பெண்ணின் காலடித்தடத்தை இன்று விஞ்ஞானிகள் கண்டுபிடித்துள்ளார்கள்.

அந்தக் காலடித்தடங்களை ஆராய்ந்த விஞ்ஞானிகள் இவள் ஒரு பெண் இவள்தான் உலகின் முதல் மனிதர் என்று கூறுகிறார்கள்.

ஆத்தீகத்தின் பதில் :

Read More

நபிமார்கள் வரலாறு 6 (ஆதம் நபி வரலாறு 2)

உலகின் முதல் மனிதர் ஆதாமா ஏவாளா?

உலகத்தின் உருவாக்கம் ஒரு மிகப்பெரும் அற்புதம்.அது போல் மனிதனின் உருவாக்கம் அதைவிட அற்புதம்.இந்த இரண்டில் உலகின் தோற்றத்தைப் பற்றி இரண்டுவிதமான கருத்தோட்டங்கள் உண்டு.

முதலாவது உலகம் தானாக இயற்கையாக உருவாகியது என்பதாகும் இது நாத்தீகத்திற்கு கடவுல் இல்லை என்ற கொள்ளைக்கு வக்காலத்து வாங்குவதற்காக உருவாக்கப் பட்ட கருத்து நிலை பெறாமல் பெயருக்காக சொல்லிக் கொள்ளப் படுகிறதே தவிர இதுவரை நிரூபிக்கப்படவில்லை.

இரண்டாவது உலகைப் படைத்தவன் இறைவன்.இறைவன் படைக்காவிடில் இந்த உலகம் உருவாகியிருக்க முடியாது அவனுடைய ஆற்றலினால் உருவாக்கப் பட்டதினால்தான் நேர்த்தியான ஒரு சீரமைப்பில் உலகம் இயங்கிக் கொண்டிருக்கின்றது.

இந்த இரண்டு கருத்துக்களில் இதுவரை நிரூபிக்க முடிந்தது இரண்டாவது கருத்தைத்தானே தவிர முதல் கருத்தை அல்ல.முதலாவது கருத்து கடவுல் இல்லை என்று சொல்லப் பட்ட செய்தியை மக்கள் மத்தியில் நிலைக்கச் செய்வதற்காக சொல்லப்பட்டதாகும்.

மனிதனின் உருவாக்கம்.

மனிதனின் தோற்றத்தைப் பொருத்தவரை மனிதன் கடவுளினால் படைக்கப் பட்டான் என்று மதங்களும் அறிவியலாளர்களின் ஒரு பகுதியினரும் கூறுகின்றனர்.

இன்னொரு பகுதியினர் இல்லை மனிதன் தானாக உருவாகிய உலகத்தில் இயற்கையின் பருவ நிலை மாற்றத்தினால் குரங்கிலிருந்து பரினாம வளர்ச்சி பெற்று உருவாகியவன் என வாதிடுகின்றனர்.இந்த வாதாட்டத்தின் உண்மை நிலையை முதலில் நாம் அறிய வேண்டும்.

அதாவது மனிதன் படைக்கப் பட்டானா? அல்லது பரிணாம வளர்ச்சி மூலம் உருவானானா? இதுதான் நாம் முதலில் ஆராய வேண்டிய கேள்வி.இந்தக் கேள்விக்குறிய பதிலைப் பார்த்துவிட்டு முதல் மனிதன் யார் ஆதாமா? அல்லது ஏவாளா? என்பதை ஆராய்வோம்.

Read More

நபிமார்கள் வரலாறு 5 (ஆதம் நபி வரலாறு 1)

இந்த உலகைப் படைத்து பாதுகாத்து ஆட்சி செய்து கொண்டிருக்கக் கூடிய ஏக இறைவன் அல்லாஹ் உலகில் வாழ்வதற்குறிய சிறப்பான படைப்பாக மனிதனை ஏற்படுத்தினான்.

ஆனால் மனிதனோ தான் நினைத்தவாறு வாழ்ந்து உலக வாழ்வுக்குப் பிறகுள்ள நிறந்தரமான மறுமை வாழ்வில் தோற்றுவிடக் கூடாது என்பதற்காக மனிதனை சீர் திருத்தம் செய்வதற்கு காலத்திற்குக் காலம் நபிமார்களை தூதர்களை அனுப்பி மனிதன் எப்படி வாழ வேண்டும் என்ற வழிகாட்டுதல்களை கற்றுத் தந்தான்.

மனிதப் படைப்பை இறைவன் ஏற்படுத்தியதில் முதல் படைப்பாக ஆதாம் என்ற ஆதாமையும் அவருக்குத் துணையாக ஏவாள் என்ற ஹவ்வா அவர்களையும் ஏற்படுத்தினான்.

இந்த ஆதம் (அலை)அவர்களைப் பற்றி வரலாறு என்ற பெயரில் பலர் பல புனைக் கதைகளையும் தங்கள் சுய எண்ணங்களையும் எழுத்தாக்கியுள்ளனர்.

குர் ஆன் ஹதீஸ் அடிப்படையில் நபிமார்களின் வரலாற்றை தொகுக்கும் இந்த முயற்சியில் ஆதம்(அலை)அவர்களின் வரலாற்றை முதலாவதாகப் பார்ப்போம்.

இந்தத் தொடரில்.....

• முதல் மனிதர் ஆதாமா? ஏவாளா?
• ஆதம் எங்கு இறக்கப்பட்டார்?
• ஆதம் இலங்கையில் இறக்கப்பட்டாரா?
• இலங்கை முஸ்லீம்களின் பூர்விகம் என்ற புத்தகத்திற்கு பதில்.
• ஆதம் நபியின் மொழி தமிழா?
• இலங்கையையும் இந்தியாவையும் பிரிப்பது ஆதாம் பாலமா?

Read More

நபிமார்கள் வரலாறு 4(நபிமார்களின் குடும்பம்)

நபிமார்கள் வரலாறு என்ற தொடரில் நபிமார்கள் அனைவரும் மனிதர்கள் தாம் என்பதற்காக ஆதாரங்களை நாம் தொடராக பார்த்து வருகிறோம். இந்தத் தொடரில் அதற்கான இன்னும் சில ஆதாரங்களைப் பார்ப்போம்.

நபிமார்களின் குடும்ப அமைப்பு

நாம் எப்படி நமது வாழ்க்கையில் குடும்பமாக வாழ்கிறோமோ, குழந்தைகளைப் பெற்றுக் கொள்கிறோமா அது போல் நபிமார்களும் தங்கள் வாழ்வில் குடும்பமாக வாழ்ந்திருக்கிறார்கள், குழந்தைகளையும் பெற்றிருக்கிறார்கள் என்பதற்கு திருக்குா்ஆனிலும் நபி மொழிகளிலும் நிறைய சான்றுகளைப் பார்க்க முடியும்.

இறை தூதர்கள் என்றால் துறவிகளாகத் தான் இருக்க வேண்டும் என்ற எண்ணம் பெரும்பாலானவர்கள் மனதில் குடி கொண்டிருக்கிறது. ஆனால் இந்த எண்ணம் தவறானது என்பதை சுட்டிக்காட்டி நபிமார்களும் மனிதர்கள் என்பதை எல்லா விதங்களிலும் மக்களுக்கு தெளிவு படுத்திய பெருமை இஸ்லாத்தை மட்டுமே சேறும்.

மனிதர்களே! உங்களை ஒரே ஒருவரிலிருந்து படைத்த உங்கள் இறைவனை அஞ்சுங்கள்! அவரிலிருந்து அவரது துணையைப் படைத்தான். அவ்விருவரிலிருந்து ஏராளமான ஆண்களையும் பெண்களையும் பல்கிப் பெருகச் செய்தான் எவனை முன்னிறுத்தி ஒருவரிடம் மற்றவர்கள் கோரிக்கை வைப்பீர்களோ அந்த அல்லாஹ்வை அஞ்சுங்கள்! உறவினர்கள் விஷயத்திலும் (அஞ்சுங்கள்!) அல்லாஹ் உங்களைக் கண்காணிப்பவனாக இருக்கிறான்.(4:1)

Read More

நபிமார்கள் வரலாறு 3 (நபிமார்கள் உணவு உட்கொண்டனர்)

நபிமார்கள் மனிதர்கள் தாம் என்பதற்கான ஆதாரங்களை நாம் பார்த்து வருகிறோம் அந்தத் தொடரில் நபிமார்களின் மனித குணங்கள் தொடர்பான செய்திகளைத் தொடர்ந்து பார்ப்போம்.

நபிமார்கள் உணவு உட்கொண்டனர்.

எந்த ஒரு மனிதனாக இருந்தாலும் அவன் தனது உணவுத் தேவையை முழுபைப் படுத்துவது கட்டாயமாக இருக்கிறது. உணவு இல்லையேல் உயிர் வாழ முடியாது என்பதுதான் உண்மையும் கூட.நபிமார்களாக இருந்தாலும் அவர்களும் உணவு உட்கொண்டால் தான் உயிருடன் இருக்க முடியும்.

இன்றைக்கு நமக்கு மத்தியில் அவ்லியாக்கள், சாமியார்கள், தெய்வ சக்தி படைத்தவர்கள் என்றெல்லாம் உளரக் கூடியவர்கள் கூட சாப்பாட்டு விஷயத்தில் மாத்திரம் வாய் மூடி அமைதியாக இருந்து விடுவதைப் பார்க்கிறோம் ஏன் எனில் எந்த ஒரு மனிதனாக இருந்தாலும் மக்களை ஏமாற்றுவதற்கு வேண்டுமானால் தங்களை கடவுளின் சக்தி படைத்தவர்களாக சித்தரிக்க முடியுமே ஒழிய நிஜ வாழ்க்கையில் நிரூபிக்க முடியாது என்பதற்கு உணவு இன்றி வாழ முடியாது என்ற நிலையே போதுமான சான்றாகும்.

Read More

நபிமார்கள் வரலாறு 2 (நபிமார்களின் நியமனமும் & மனிதத்தன்மையும்)

நபித்துவம் இறைவனின் நியமனம்

நபித்துவம் என்பது இறைவனின் பாக்கியமாகும்.மற்ற மதங்களின் கருத்துக்களைப் போல் இஸ்லாமிய மார்கத்தில் யாரும் பக்தியால் நபியாக மாற முடியாது.

முனிவர்களைப் போல் காடுகளிலும் மலைகளிலும் தங்கியிருப்பதால் ஒன்றும் அவர்கள் இறைவனின் நபியாக அங்கீகரிக்கப் படமாட்டார்கள்.அது போல் வயதின் அடிப்படையில் கல்வியின் அடிப்படையில் குடும்ப பாரம்பரியத்தின் அடிப்படையில் என்று எந்த அடிப்படையும் இதற்கு இல்லை.நபித்துவத்திற்கு இருக்கும் ஒரே அந்தஸ்து இறைவன் யாருக்கு விரும்புவானோ அவர்களுக்கு அந்தத் தகுதியை அந்தஸ்தை வழங்குவதுதான்.அந்த அந்தஸ்தைப் பெருபவர் சிறுவராகவும் இருக்களாம் பெரியவராகவும் இருக்களாம் வயோதிகராககவும் இருக்களாம்.இறைவனின் நாட்டம் தான் முக்கியம்.

இதை இறைவன் தனது திருமறையில் தெளிவாக அறிவித்துத் தருகிறான்.

நபியாவதற்கு வயது வரம்பு இல்லை

யஹ்யா ஈஸா (அலை)ஆகியவர்களை அவர்கள் சிறுவர்களாக இருக்கும் போதே நபியாக நியமிக்கிறான்.

யஹ்யாவே! இவ்வேதத்தைப் பலமாகப் பிடித்துக் கொள்வீராக! (என்று கூறினோம்) சிறுவராக இருக்கும் போதே அவருக்கு அதிகாரத்தை அளித்தோம்(19:12)

வேதம் வழங்கப்படுவதும் ஒருவர் நபியாக ஆக்கப்படுவதும் நாற்பது வயதில் தான் என்று கூறி நாற்பதில் ஒரு தனி முக்கியத்துவம் இருப்பது போல் சிலர் சித்தரிக்கின்றனர்.

Read More

நபிமார்கள் வரலாறு 1(குர்ஆன் ஹதீஸிலிருந்து மாத்திரம்)

அன்பின் இணையத்தள வாசகர்களே!

நபிமார்கள் வரலாறு என்ற இந்தத் தொடரின் மூலம் நாம் ஆதம் நபி முதல் நமது ஆருயிர் நபி(ஸல்)அவர்கள் வரை அனைவரைப் பற்றிய வரலாற்றையும் திருக்குர்ஆன் ஆதாரப் பூர்வமான நபிமொழி அடிப்படையில் ஆராய இருக்கிறோம்.

இது தவிர்ந்த எந்தக் கட்டுக் கதையும் இதில் இடம் பெறாது என்பதை தெரிவித்துக் கொள்கிறோம்.

நபிமார்கள் வரலாறு என்று நாம் எழுதும் இந்தத் தொடருக்கு ஆதாரமாக திருமறையையும் நபி மொழியையும் மாத்திரம் நாம் எடுத்துக் கொண்டதற்காண காரணம்.வரலாறுகளைப் பொருத்தவரை அதிலும் குறிப்பாக நபிமார்கள் வரலாறுகளைப் பொருத்தவரை பல ஆயிரக்கணக்கான வருடங்களுக்கு முற்பட்ட வரலாறுகளும் உண்டு சில ஆண்டுகளுக்குற்பட்ட வரலாறுகளும் உண்டு.

இவையணைத்தையும் சரியான முறையில் அறிந்து கொள்ள நமக்கு எந்த ஆவணங்களும் கைவசம் இல்லை.

அது போல் பலங்கால கல்வெட்டுகளோ அல்லது வேறு எந்த ஆதாரமோ நம்மிடம் இல்லை அப்படியென்றால் இந்த வரலாறுகளை நாம் எப்படி அறிந்து கொள்வது?

அல்லாஹ்வும் அவனுடைய தூதர் நபியவர்களும் கூறிய கருத்துக்களை மாத்திரம் வைத்துத் தான் நாம் நபிமார்களுடைய வரலாறுகளை ஆராய முடியும்.

இந்த இரண்டு வழிமுறை தவிர்ந்த எந்த வழி முறையை நாம் கையாண்டாலும் அதில் பெரும்பாலும் பொய்யும் இட்டுக் கட்டும் தான் கலந்திருக்கும் ஆதலால் இந்தத் தொடர் திருமறைக் குர்ஆணையும் ஸஹீஹான நபி மொழிகளையும் மாத்திரம் வைத்தே தொகுக்கப் படுகிறது.

Read More