பிரான்ஸில் முகத்திரைக்கு அபராதம் !

பிரான்ஸில் முழுமையான முகத்திரை அணியக்கூடாது என்ற புதிய சட்டம் வந்த பின்னரும் அதனை தொடர்ந்து அணிந்த இரு பெண்களுக்கு அந்த நாட்டு நீதிமன்றம் ஒன்று அபராதம் விதித்துள்ளது.

முழுமையான முகத்திரைகளை அணியக்கூடாது என்ற தடை கடந்த ஏப்ரல் மாதத்தில் வந்த பின்னர் அதன் அடிப்படையில் அபராதம் விதிக்கப்படுவது இதுதான் முதல் தடவையாகும்.

விவாகரத்துப் பெற்றுக்கொண்டு தனியாக குழந்தையுடன் வசிக்கும் ஹைண்ட் அஹமாஸ் என்பவருக்கும், நஜத் நைட் அலி என்னும் மூன்று குழந்தைகளின் தாய்க்கும் இந்த அபராதம் விதிக்கப்பட்டுள்ளது.

ஆனால், முகத்திரையை அணிவதற்கான தமது உரிமை ஐரோப்பிய சட்டங்களில் குறிப்பிடப்பட்டிருக்கிறது என்று அவர்கள் கூறுகிறார்கள்.

ஸ்ட்ராஸ்பேர்க்கில் உள்ள ஐரோப்பிய மனித உரிமைகள் நீதிமன்றத்தில் விசாரணைகளுக்காக இவர்கள் இருவரும் மேல்முறையீடு செய்யவுள்ளார்கள்.

முகத்திரையை நீக்க மறுத்த காரணத்துக்காக ஹைண்ட் அஹமாஸ் மற்றும் நஜத் அலி ஆகிய இருவருக்கும் இன்று முறையே 120 மற்றும் 80 யூரோக்கள் அபராதம் விதிக்கப்பட்டது.

இதற்கான மேல்முறையீட்டு நடவடிக்கைகளுக்கு நீண்ட காலம் பிடிக்கும் என்பதுடன், ஸ்ட்ராஸ்பேர்க்கில் உள்ள ஐரோப்பிய மனித உரிமைகளுக்கான நீதிமன்றத்திலேயே இறுதி முடிவும் எடுக்கப்படும்.

முழுமையான முதத்திரையை அணிவது என்ற தனது முடிவு சுயமானது என்று கூறுகின்ற ஹைண்ட் அஹமாஸ் அவர்கள், முகத்திரைக்கான தடை கடந்த ஏப்ரலில் அமலுக்கு வந்த பின்னர், தனக்கு வங்கிகள், கடைகள் அல்லது பஸ்கள் என அனைத்து பொது இடங்களிலும் தடை விதிக்கப்பட்டதாகவும், குறைந்த பட்சம் ஒரு தடவைக்கு மேல் வார்த்தைகளாலும், உடல் ரீதியாகவும் தான் தாக்கப்பட்டதாகவும் கூறுகிறார்.

இஸ்லாமிய விதிகளின் படி முழுமையான முகத்திரை கட்டாயமானதல்ல என்பதுடன், இது குறித்த விவாதம் தொடர்பில் முஸ்லிம் சமூகத்துக்கிடையிலேயே மாறுபட்ட கருத்துக்கள் காணப்படுகின்றன.

இந்தத் தடை குறித்து பெரும் சர்ச்சை நிலவுகின்ற போதிலும், நூற்றுக்கும் குறைவான முகத்திரை அணிந்த பெண்களே இதற்காக வீதிகளில் தடுக்கப்பட்டதுடன், பத்துக்கும் குறைவான பெண்களே நீதிமன்றத்தில் நிறுத்தப்பட்டுள்ளனர்.

பெல்ஜியம், இத்தாலி, டென்மார்க், ஆஸ்திரியா, நெதர்லாந்து மற்றும் ஸ்விட்சர்லாந்து ஆகிய இடங்களிலும் ஒன்றில் இதே போன்ற தடை ஏற்கனவே கொண்டு வரப்பட்டு விட்டது அல்லது கொண்டுவரப்படுகின்றது.

இன்றைய இந்த தீர்ப்பு இந்த அனைத்து நாடுகளிலும் தாக்கங்களை ஏற்படுத்தும்.

செய்தி : BBC

Read More

போலீசாருக்கு பர்தாவை விலக்கி முகத்தை காட்டாவி்ட்டால் 1 ஆண்டு சிறை- ஆஸி. அரசு

ஆகஸ்ட் 31, 2011,சிட்னி: முஸ்லீம் பெண்கள் அணிந்துள்ள பர்தாவை, போலீசார் கூறினால் நீக்கி முகத்தை காட்ட வேண்டும். அதற்கு மறுப்பு தெரிவித்தால், 1 ஆண்டு வரை சிறைத் தண்டனை அளிக்கப்படும், என ஆஸ்திரேலியா அரசு கெடுபிடி உத்தரவைப் பிறப்பித்துள்ளது.

ஆஸ்திரேலியாவில், சமீபத்தில் குற்றவாளியான ஒரு கிறிஸ்துவ பெண்ணிற்கு பதிலாக, பர்தா அணிந்த முஸ்லீம் பெண் ஒருவர் போலீசாரால் தவறுவதாக கைது செய்யப்பட்டார். பின்னர், சோதனையில் அவரல்ல என கண்டறியப்பட்ட பிறகு விடுவிக்கப்பட்டார்.

பொது இடங்களில் பெண்கள், பர்தா அணிந்து வருவதால், குற்ற சம்பவங்களில் தொடர்புடையவர்கள் தப்புவதற்கும் வாய்ப்புள்ளது. இந்த குழப்பங்களை தவிர்க்கும் வகையில், ஆஸ்திரேலியாவின் நியூ சவுத் வேல்ஸ் மாகாணத்தில், முஸ்லீம் பெண்கள் பர்தா அணிவதற்கு, அடுத்த வாரம் முதல் புதிய கட்டுப்பாடுகள் வர உள்ளது.

அதன்படி, சாலையில் செல்லும் முகமுடி அணிந்தவர்கள், ஹெல்மேட் அணிந்தவர்கள், பர்தா அணிந்தவர்கள் ஆகியோரை, சந்தேகத்தின் பேரில் முகத்திரையை போலீசார் நீக்க கூறினால், உடனே அவர்கள் முகத்தை காட்ட வேண்டும். அப்படி காட்டாதவர்களிடம் அபராதம் விதிக்கப்படும்.

அதையும் மீறினால், 1 ஆண்டு வரை சிறைத் தண்டனையும் விதிக்கப்படும். முகத்தை காட்டிய பின் தங்கள் முகத்திரை போட்டுக் கொள்ளலாம். பொது இடங்களில் முகத்தை காட்ட கலாச்சாரம், மதம், தனிப்பட்ட நம்பிக்கைகள் தடுக்கும் பட்சத்தில், அருகில் உள்ள போலீஸ் நிலையங்களுக்கு சென்று முகத்தை காட்டலாம்.

நீதிமன்றங்களிலும் இந்த சட்டம் அமலில் இருக்கும். சந்தேகத்தின் அடிப்படையில், பெண்களின் முகத்திரையை விலக்கி பார்க்கும் அதிகாரம் போலீசாருக்கு கொடுக்கப்பட்டுள்ள நிலையில் அது தற்போது சட்டமாகவே இயற்றப்பட்டுள்ளது.

பிரான்ஸ், பெல்ஜீயம், இத்தாலி, ஸ்பெயின் நாடுகளின் சில பகுதிகளுக்கு அடுத்தபடியாக தற்போது, ஆஸ்திரேலியாவிலும் இந்த சட்டம் அமலுக்கு வர உள்ளது.

செய்தி : oneindia.in

Read More

பெல்ஜியத்திலும் பெண்கள் முகத்திரைக்கு தடை!!!

ஃபிரான்ஸ் நாட்டை தொடர்ந்து பெல்ஜியத்திலும் இஸ்லாமிய பெண்கள் முகத்திரைக்கு எதிரான சட்டம் நேற்று 22/7/2011 முதல் அமலுக்கு வந்துள்ளது. பெல்ஜியம் நாட்டில் 10 மில்லியன் மக்களில் 450,000 அளவுக்கு முஸ்லிம்கள் வசித்து வருகின்றனர் என்பது குறிப்பிடத்தக்கது.

முஸ்லிம் பெண்கள் முகத்திரை அணிந்து பொது இடங்களுக்கு செல்ல அனுமதியில்லை என்பதாக சட்டம் நிறைவேற்றியுள்ளது பெல்ஜியம் அரசு.ஃபிரான்ஸ் அரசு கூறியது போல் தங்கள் நாட்டில் முகத்தை மறைத்து தங்களுடைய அடையாளத்தை மறைப்பதை ஒருபோதும் அனுமதிக்க முடியாது என பெல்ஜியம் அரசு தரப்பும் தெரிவித்துள்ளது.எந்த பெண்ணாவது சட்டத்தை பின்பற்ற தவறினால், அவர் 137,50 யூரோக்கள் ($ 195) மற்றும் ஏழு நாட்கள் வரை சிறை தண்டனை அளிக்கப்படும் என்றும் நாட்டின் பாதுகாப்பு என்ற அடிப்படையில்தான் இந்த சட்டத்தை இயற்றியதாகவும் அந்த அரசு தெரிவிக்கிறது.

இந்த சட்டம் பெல்ஜியத்தில் வாழும் முஸ்லிம்களுக்கு மத்தியில் பெரும் எதிர்ப்பை கிளப்பியுள்ளது.இந்த சட்டம் முஸ்லிம்களின் கண்ணியத்தை கெடுக்கும் வகையில் உள்ளதாக முஸ்லிம்கள் கருதுகின்றனர்.இந்த சட்டத்திற்கு எதிராக இரண்டு பெண்கள் பெல்ஜியம் நீதிமன்றத்தில் வழக்கு தொடுத்துள்ளனர்.அவர்கள் தெரிவிப்பதாவது "நாங்கள் இந்த சமுதாயத்திலிருந்து தனிமை படுத்தப் பட்டது போல் உணருகிறோம்!முகத்திரை அணிவது எங்கள் உரிமை! இந்த சட்டம் நாட்டில் மத சுதந்திரம், தனிப்பட்ட உரிமை, கருத்து சுதந்திரம் மற்றும் ஆண்கள் மற்றும் பெண்கள் இடையே சமத்துவம் போன்றவற்றிற்கு எதிராக இருக்கிறது" என்பதாக அவர்கள் கூறினார்கள்.

குறிப்பு : பிரான்ஸ் நாட்டை போல் முகத்திரை அணிவதற்கு மட்டும்தான் பெல்ஜியத்திலும் சட்டம் இயற்றப்பட்டுள்ளது தலையையும் உடலையும் மறைப்பதற்கு அல்ல.

நன்றி : Onislam.net

Read More

பிரான்ஸ் ஹிஜாபை தடை செய்யவில்லை. முஸ்லீம்கள் புரிய வேண்டிய சரியான கோணம்.

கடந்த சில நாட்களாக முஸ்லீம்கள் மத்தியில் பரபரப்பாக பேசப்படும் செய்திகளில் ஒன்றாக ஹிஜாபும் மாறியிருக்கிறது. பிரான்ஸ் அரசாங்கம் அந்நாட்டுப் பெண்கள் அணியும் ஆடையில் சில வகையான ஆடைகளை தடை செய்ததே இதற்கான காரணமாகும்.

கடந்த ஏப்ரல் 11 திங்கட்கிழமை அமுலுக்குக் கொண்டுவரப்பட்ட இந்த சட்டத்தினால் பிரான்ஸில் சில இடங்களில் போராட்டங்களும் நடத்தப்பட்டது.

பெரும்பாலான முஸ்லீம்கள் பிரான்ஸ் அரசு தடை செய்த ஆடை எது அவா்கள் தடை செய்யது மார்க்க அடிப்படையில் நியாமானதா? இல்லையா என்பதை சரியாக அறியாமல் இருக்கிறார்கள்.

இன்னும் சிலரோ பெண்கள் அணியும் ஹிஜாபையே பிரான்ஸ் தடை செய்துவிட்டதாகவும் நினைத்துக் கொண்டிருக்கிறார்கள். அதனால் முதலாவதாக பிரான்ஸ் அரசு எந்த வகையிலான ஆடைகளை பெண்களுக்கு தடை செய்துள்ளது என்பதைப் புரிந்து கொண்டால் மார்க்கத்தின் தெளிவை சரியாகப் புரிந்துகொள்ள முடியும்.

Read More

முகத்திரை பற்றி ஃபிரெஞ்சு பத்திரிக்கையில் வெளியான செய்தி

மேலும் விபரங்களுக்கு இங்கு கிளிக் செய்யவும்

நன்றி : DIRECTMATIN.NET

Read More

முகத்திரை சட்டத்தின் நெறிமுறைகள்

ஃபிரான்சில் பொது இடங்களில் பெண்கள் முகம் மறைக்கக் கூடாது என்ற சட்டம் ஏப்ரல் 11 முதல் அமலுக்கு வருகிறது என்று ஏற்கனவே அறிவிக்கப் பட்டிருந்தது.

இந்த சட்டத்திற்கான நெறிமுறைகளை கடந்த வாரம் ஃபிரெஞ்சு உள்துறை அமைச்சர் Claude Gueant கையெழுதிட்ட ஆவணம் அனைத்து அமலாக்க நிறுவனங்களுக்கும் அனுப்பி வைக்கப்பட்டது.அதில் முகத்திரை அணிபவர்களின் அடையாளத்தை சோதிப்பது பற்றியும் அபராதம் விதிப்பது பற்றியும் தெரிவிக்கப்பட்டிருக்கிறது.அந்த ஆவணத்தை பிரெஞ்சு மொழியில் PDF வடிவில் பார்க்க இங்கே சொடுக்கவும்.

LE Figaro என்ற செய்தித்தாளில் வெளியான ஒரு செய்தியில் அந்த ஆவணத்தைப் பற்றி பின்வருமாறு குறிப்பிடப்பட்டுள்ளது :

காவல்துறை அதிகாரிகளுக்கு யாரையும் கட்டாயப்படுத்தி முகத் திரையை அகற்ற எந்த அதிகாரமும் இல்லை.முகத்திரையை அணிந்திருப்பவரே அதை அகற்ற வேண்டும் அல்லது அவர் காவல் நிலையத்திற்கு அழைத்து செல்லப்பட்டு அவருடைய அடையாளத்தை சோதனைக்கு உட்படுத்தப்படும்.

எந்த நிலையிலும் ஒரு பெண் முகத்திரை அணிந்திர்ந்தார் என்ற காரணத்திற்காக மட்டும் அவரை காவலில் வைக்க முடியாது. ஆனால் அவர் 4 மணி நேரம் வரை காவல் நிலையத்தில் நிறுத்தி வைக்கப்படலாம்.மேலும் இதற்காக 150 யூரோ அபராதம் வசூலிக்கப் படுவது மட்டுமல்லாமல் குடியுரிமை படிப்புக்காக அவர் அனுப்பப் படுவார்.

இந்த சட்டம் பூங்காக்கள், கடைகள், திரையரங்கம், உணவகங்கள் மற்றும் பொது போக்குவரத்து உள்ளிட்ட அனைத்து பொது இடங்களுக்கும் பொருந்தும் என்பதாக அந்த ஆவணம் தெரிவிக்கிறது.ஆயினும் வீடு,ஹோட்டல் அறைகள், கார்ப்பரேட் வளாகங்கள், தனியார் வாகனங்கள் மற்றும் வழிப்பாட்டு தளங்களில் முகத்தை மறைப்பது கூடும் என்பதாக தெரிவிக்கப்பட்டுள்ளது.எந்த வகையான முகத்திரையை பிரான்ஸ் அரசாங்கம் தடை செய்துள்ளது என்பதை பார்க்க இங்கே சொடுக்கவும் (க்ளிக் செய்யவும்).

யாரையும் முகத்தை மறைக்கும்படி வற்புறுத்தினால் அதற்க்கு கடும் சிறை தண்டனை வழங்கப்படும் என்பதாகவும் அதில் தெரிவிக்கப்பட்டுள்ளது.

ஃபிரான்சில் சுமார் 2,000 முஸ்லிம் பெண்கள் முகத்திரையை அணிந்து ஒரு ஆய்வறிக்கை கூறுகிறது.இந்த சட்டம் சுற்றுலாவுக்காக வரும் பெண்களுக்கும் பொருந்தும் என்பதாகவும் அந்த ஆவணத்தில் குறிப்பிடப்பட்டுள்ளது.சவுதி அரேபியா மற்றும் பல அரபு நாடுகளில் உள்ள பெண்கள் அதிகமாக பிரான்சுக்கு விஜயம் செய்கிறார்கள் என்பதுமட்டுமல்லாமல் இவர்கள் தங்கள் செல்வங்களை அதிகமாக செலவிடக் கூடியவர்கள் என்பதும் குறிப்பிடத் தக்கது.

நன்றி : FRANCE24

(மேல் குரிப்புட்டுள்ள செய்திக்கும் ஃபிரான்ஸ் தவ்ஹீத் ஜமாத்திர்க்கும் எந்த சம்மந்தமும் இல்லை.மொழிபெயர்ப்பில் ஏதாவது பிழை இருந்தால்  தயவு செய்து எங்களிடம் தெரிவிக்கவும்.)

Read More

எந்த வகையான முகத்திரையை பிரான்ஸ் அரசாங்கம் தடை செய்துள்ளது?

ஹிஜாப் அணிவதில் பல வகை உள்ளது.அதில் எந்த ஹிஜாபை ஃபிரான்ஸ் அரசு தடை செய்கிறது என்பதை நாம் தெரிந்துக் கொள்ள வேண்டும்.இந்த படத்தில் உள்ள நான்கு முறையான ஹிஜாபையே(தலையை மறைப்பது) அதிகமானோர் பயன்படுத்துகின்றனர்.இதை ஒவ்வொன்றாக பார்ப்போம்.

(குறிப்p : இந்த அனைத்து வகையிலும் உடலை மறைப்பதில் எந்த மாற்றுக் கருத்தும் இல்லை.முகத்தை மறைப்பதில் தான் ஒவ்வொரு வகையும் வேறுபடுகின்றது.)

1. ஹிஜாப் : முகத்தை மறைக்காமல் காது,தலைமுடி மற்றும் கழுதை மறைப்பதே  இந்த வகையை சேரும்.இந்த முறை தான் உலகில் உள்ள பெரும்பாலான நாடுகளில் வழக்கத்தில் உள்ளது.
2. நிகாப் : உடல் முழுவதையும் மறைத்து கண்களுக்கு மட்டும் மெல்லிய துணியை பயன்படுத்துவதையே நிகாப் என்கின்றனர்.இது அரபு நாடுகளில் குறிப்பாக சவுதி அரேபியாவில் நடை முறையில் உள்ளது.
3. சாடோர் : இந்த வகை ஈரான் பகுதியில் அதிகமாக பயன்படுத்தப்பட்டு வருகிறது.படத்தை பார்த்து இதன் வடிவமைப்பை தெரிந்துக்கொள்ளுங்கள். 
4. புர்கா : இந்த முழு அளவிலான ஆடை ஆப்கானிஸ்தான் பகுதியிலும் இந்தியாவில் சில பகுதியிலும் அதிகமாக நடைமுறையில் உள்ளது.உடல் முழுவதையும் மறைத்து கண்களுக்கு மட்டும் வலைகளை கொண்டிருக்கும் வகையே புர்கா எனப் படுகிறது.

நிகாப் மற்றும் புர்கா வகையையே ஃபிரான்ஸ் அரசாங்கம் தடை செய்துள்ளது.முகத்தை மறைத்து தங்களுடைய அடையாளத்தை மறைப்பதினாலேயே இந்த வகையை ஃபிரான்ஸ் அரசாங்கம் தடை செய்துள்ளது.

நன்றி : FRANCE24

(மேல் குரிப்புட்டுள்ள செய்திக்கும் ஃபிரான்ஸ் தவ்ஹீத் ஜமாத்திர்க்கும் எந்த சம்மந்தமும் இல்லை.மொழிபெயர்ப்பில் ஏதாவது பிழை இருந்தால் தயவு செய்து எங்களிடம் தெரிவிக்கவும்.)

Read More

முகத்திரை சட்டத்தினால் சர்கோசி கட்சிக்கு பின்னடைவு

பிரான்ஸ் நாட்டின் UMP கட்சி கடந்த 26 ஆம் தேதி செவ்வாய்க் கிழமை மத்திய பிரான்சில் உள்ள மெரிடியன் ஹோட்டலில் நாட்டின் மதச்சார்பின்மையைப் பற்றி விவாதம் நடத்தியது.அதில் 26 யோசனைகள் முன்வைக்கப் பட்டது.இந்த விவாதத்தில் செய்தி தொடர்பாளர்களுக்கு அனுமதி அளிக்கப் பட்டிருந்தது மட்டுமல்லாமல் பலத்த போலீஸ் பாதுகாப்பும் போடப்பட்டு இருந்தது.இந்த விவாதத்தில் பிரான்ஸ் அதிபர் நிகோலஸ் சர்கோசி கலந்துக் கொள்ளவில்லை என்பது குறிப்பிடத்தக்கது.  

பிரதமர் பிரான்கிஸ் ஃபில்லோன் மற்றும் பல அமைச்சர்களும் இந்த விவாதத்தில் கலந்துக் கொள்ளவில்லை.இஸ்லாத்தைப் பற்றிய இந்த பிரச்சனை சர்கோசி ஆட்சிக்கு வந்த பிறகு தான் பெரியதாகப் பார்க்கப் படுகிறது.UMP கட்சியின் தலைவரான ஜீன் பிரான்கிஸ் என்பவரால்தான் பிரான்சில் பெண்கள் முகம் மறைக்கத் தடை சட்டம் கொண்டு வர காரணமாக இருந்தது என்பது குறிப்பிடத் தக்கது.இந்த சட்டத்தினால் அடுத்த வருட அதிபர் தேர்தலில் எங்களுக்கு ஆதரவு பெருகும் என்பதாகவும் அவர் தெரிவித்தார்.

ஆனால் எதிர்கட்சித் தலைவரான பில்லோன் "இந்த பிரச்சனையால் 2012 தேர்தலில் சர்கோசி பெரும் பின்னடைவை சந்திப்பார்" என்று தெரிவித்தார்.

இந்த விவாததினால் தமக்கு எந்த பாதிப்பும் ஏற்படாது என்று சர்கோசி தவறாக நினைத்துக் கொண்டுருக்கிறார் என்று லண்டனில் உள்ள கிங்க்ஸ் கல்லூரியில் சமூக மற்றும் அரசியல் ஆய்வாளர்களாக பணியாற்றும் மேதிவ் மோரன் தெரிவித்தார்.மேலும் அவர்கள் கூறுவதாவது "இந்த விவாதத்தை ஆதரிப்பவர்களை வைத்து நாம் தேர்தலில் வென்று விடலாம் என்று அவர் தவறாக எண்ணிக் கொண்டு இருக்கிறார்.சர்கோசியின் இது போன்ற செயல்களுக்கு அமைச்சர்கள் அனைவரும்  ஆதரவாக இருப்பதாக தெரியவில்லை.UMP கட்சியின்யின் இந்த செயல்பாட்டினால் சர்கோசிக்கு ஆட்சிக்கு இது பெரும் பின்னடைவை ஏற்படுத்தும் என்பதில் சந்தேகம் இல்லை.ஆனாலும் சர்கோசி வேறு பிரச்சனைகளை காட்டி இதை மறைத்து விடக் கூடிய ஆற்றல் கொண்டவர்.இந்த விவாதம் கடுமையாக நடைப்பெற்றால் சர்கோசி வேறு சவால்களை சந்திக்க தயாராக வேண்டிய நிலை உண்டாகும்."

விமர்சகர்கள் இந்த விவாதத்தை பற்றி கருத்து தெரிவிக்கையில்,எதிர்கட்சியான National Front கட்சியிடமிருந்து ஓட்டுக்களை பறிக்கும் விதமாக நடத்தப்படும் அரசியல் நாடகமாகவே இதை கருதுவதாக அவர்கள் தெரிவிக்கின்றனர்.

ஞாயிற்றுக்கிழமை நடைபெற்ற உள்ளாட்சி தேர்தலில் எதிர்கட்சியான Socialist கட்சி 35 சதவீத இடத்திலும் அதிபர் Nicolas Sarkozy யின்  UMP கட்சி வெறும் 18 சதவிகித ஓட்டுக்ககளையே பெற்றதாக அறிவிக்கப்பட்டது.இந்த தேர்தல் முடிவு Nicolas Sarkozy யின்  UMP கட்சி பின்னடைவை சந்திப்பதையே காட்டுகிறது.

நன்றி : FRANCE24

(மேல் குரிப்புட்டுள்ள செய்திக்கும் ஃபிரான்ஸ் தவ்ஹீத் ஜமாத்திர்க்கும் எந்த சம்மந்தமும் இல்லை.மொழிபெயர்ப்பில் ஏதாவது பிழை இருந்தால் தயவு செய்து எங்களிடம் தெரிவிக்கவும்.)

Read More